شباب 2016

1:49:00 م 0
صورة ‏عصام الباز‏.
 عصام الباز  //  يكتب    

شباب 2016
أياديه متكتفة
بيرسم عل قفا
حواجبة محففة
عواطفه مجففة
ضفايره ملففة
لازمله منشفة
على بطنه بينكفى
مش واخد عل وفا
في رقبته سلسلة
فضايحه متلتلة
بلاويه مجلجلة
عيونه مفنجلة
خطاويه مهرجلة
هدومه مهلهلة
شفايفه مدلدلة
كل ثانية مشكلة
زي قرد بسلسلة
بنطلونه حجره نازل
في بنات الناس يغازل
متخصص في المهازل
يتجسس ع المنازل
مستواه تملي نازل
يتسكع ع النواصي
لأهله وربه عاصي
للشر يلعب يباصي
زي كتكوت يصاصي
جاحد والديه وقاسي
مبيحترمش كبير
مبقاش خلاص يغير
مستعجل عايز يطير
للشيطان عايش أسير
يغرق بأصغرها بير
بقى للذنوب أجير
دا منظر دا يا ناس
راسه تنفع مداس
يارب عليك هدايته
بالخير تكون نهايته
عصام الباز
التصنيف:

ليست هناك تعليقات

الاشتراك في: تعليقات الرسالة ( Atom )