( يارب سامحنى )

 محمد فتحى  //  يكتب  

( يارب سامحنى )

يارب بحق المصطفى
اجعلنى من الصالحين
خلى ذنوبى تختفا
بحق نبينا الزين

أنا عبدك المخدوع
فى الدنيا و تلاهيها
صدقنى انا موجوع
حسناتى ذنوبى بتخفيها
انا راجع ندمان
طالب منك التوبة
ياربى يا ديان
خفف معاصيا المكتوبة
أنا مالينى الشر
طالب منك الخير
ماليش طريق ولا بر
ماليش غيرك غير
ذنوبى زادت ياما
وصلت لأبعد حد
أرحمنى يوم القيامة
أسترنى يوم العرض
خلينى يوم الحساب
من الموعودين بالجنة
أرحمنى من العذاب
للنعيم أنا بتمنى
يارب يارب سامحني
مفيش غيرك رحيم
بعدى عنك جارحنى
اكفينى شر الجحيم
بحق دينك الأسلام
أصلح حال بلدى
خلى الخير و السلام
لحد أولاد ولدى
رحمتك بتغلب غضبك
أصلك انت غفور
يارب أرحم عبدك
أصله ضعيف مغرور
فى آخر سطورى
افعالى يارب حرقانى
أهدينى من شرورى
اللى دايما مغرقانى
كلمات : محمد فتحى