طاب كنت

 

 بقلم أ// عصام الباز

طاب كنت

طاب كنت طولت دقيقة
كان وهم وللا دا حقيقة
أنا قلبي محروق بحريقة
صحتني م الحلم بسرعة
من بحر وديتني لترعة
ما أخدتش منك غير جرعة
ليه تقسى وكمان تتغير
الرحمة أنا قلبي صغير
خلتني في حبك اتحير
قررت في الحب أوفيلك
من عمري أقطع وأديلك
لو قلبي والله أهديلك
ليه كده بقى طبعك قاسي
وسايبني في البعد أقاسي
خلعت الشعر إل في راسي
الحب مفيهوش إذلال
لا يمكن تساويه أموال
من بعدك راح أكون رحال
الرحمة والرأفة بقلبي
حبيتك ومش عارف أخبي
متقولي يا غالي على ذنبي
ليه فورا قررت تبيع
حبيتك ولقلبك أطيع
من بعدك أنا خايف أضيع
سكنتك في القلب بروحك
راح أداوي ألمك وجروحك
أنا نفسي ترجع من روحك
عصام الباز