إلى حبيبى

  حسانين خاطر ( صادق الوعد )//  يكتب  

( 69 )
إلى حبيبى
حبيبى يادنيا الحب والهنى
حبيبى ياقصر الشوق والمنى
حبيبى ياملك العشق لى أنا
حبيبى يامالك القلب والهوى
حبيبى ياكل دنيتى وفرحتى
حبيبى ياملك روحى ومهجتى
بحبك بجد مش حب عادى
وبعشقك بلهفه وإنت إسعادى
وانت كل هنايا ومحبتى
ارجوك حبنى بهدوء
حبنى بلطف وهمس
اعشقنى بروحك وباللمس
خليك رومانسى هادى
انت كل املى ومرادى
بخاف عليك فى غيابى
باحسك بتعذب نفسك
ومابتطيق عنك بعادى
باحسك بتقتل نفسك
عشان عاوز ودادى
انا خلاص ملكنى غيرك
لكن حبك وعشقك هو حياتى
اعذرنى ياكل الشوق
لو ماتقابلنا مثل الماضى
الدنيا عندى اتغيرت
وانت عارف وراضى
حبيبى يانبض قلبى
حبيبى يازاد فؤادى
باتعذب لما باشوفك
تعبان ودموعك تملا جفونك
اريدك تفضل قصادى
وتظل بدنيتى ومرادى
حاساك دايما بحضنى
وفى كل مكان تنادى
باسمع صوتك بقلبى
باسمع تنهيداتك وهمسك
معاك ياحبيبى وباجاوبك
انا جنبك مش بفارقك
لو حتى حسيت غيابى
بس لوبحثت جوه قلبك
راح تلاقى فيه حبيبتك
بتقولك بصوت هادى
بحبك بعشقك وانت ضى عيونى
بحبك وبعشقك وإنت كل املى
بحبك وبعشقك وإنت كل فرحى
حبيب قلبى اطمن وماتقلق
انا بخير وسلامه بس مقيده
ورجعالك باقرب وقت وليك متشوقه
يامالك كل جواتى وسامع كل اهاتى
حافظه عهدى ووعدى
تفضل على طول بقلبى
لو حتى غبت ياما
يلا ياحبيبى امسح دموعك
وحطنى تحت جفونك
تشوفتى بعيونك وتهمسلى بقلبك
وتقولى حاسس بيكى
وصابر ياحبيبتى على بعدك
ومنتظر ودادك وقربك
الراسل KH
بقلم / حسانين خاطر ( صادق الوعد )