يا حلاوة ضحكتك

 

بقلم أ // عصام الباز

يا حلاوة ضحكتك

يا حلاوة ضحكتك
عيوني والله حبتك
تكفيني يا غالية محبتك

يا ست الكل إنتي
ريحة الفل كنتي
أنا كنت لما كنتي
الطيبة بتشع منك
أصيلة من صغر سنك
حبيتك كتير كتير لإنك
بتفكريني بالغالية أمي
دي كانت شايلة همي
كان غالي عليها دمي
قلبك أبيض حليب
لو غاب النور يغيب
للداء هو الطبيب
يا ست يا عظيمة
أياديكي دي كريمة
إديتي الدنيا قيمة
حتى إن راحت سنانك
واتمسحت بصمات بنانك
جنة الله عشانك
عصام الباز