((( عروض رمضان والتنزيلات)))

 محمودصلاح السيد  //  يكتب   

((( عروض رمضان والتنزيلات)))
تنزيلات تنزيلات
وعروض بالمجان فى كل مكان
وكله موجود ومتاح وفى الإمكان
ألحق يابني آدم لاالفرصه تفوت
وتلف تدور ذي المجنون
وتزعل وتطلع روحك من الهموم
لاأنت أول واحد ولاآخر واحد فى الكون
العمليه محتاجه حركه مش مستهله سكون
توت توت القطار هايعدي يفوت
شخلل جيبك يا أبو زعبوط
وألحق فى كل حته التنزيلات
للقاعد واللى فات
واللى حى واللى مات
وكله أعلانات على الفضائيات
يلا قوم دور وهات
وخزن على الأرفف وفى الثلاجات
لرمضان وغيررمضان
على شان لاتزعل لوعدى وفات
عجبي على الناس
ماهي الناس مقامات
كل هم الناس فى رمضان الأكل والشرب
والفسح والخروجات
والكافيهات والمسلسلات
وكل سنه وأنت طيب ياعم الشحات
وفى كل سنه نفس الهم
مهمة البحث عن العروضات
والملذات وأتباع الشهوات
ياجماعه إحنا فى رمضان
لازم نحترم الذات ونلتزم بالفروض والعبادات
هات هات فاتح بقك جاتك هتهات
ضمنت تعيش ياأبو الأولاد ياأم البنات
على شان تخلص كل الحاجات
ولا ما تعرف أن الرزق مكتوب لكل حى
ومن ليس له رزق فهو من الأموات
ألحق عرض الله فى رمضان
متاح وفى الإمكان ياأيها الإنسان
قدم لنفسك الزاد وخزن لنفسك فى اﻵخره حسنات وتصدق ودعك من البخل والشح
وعلم نفسك القناعه دا أنت صايم كام ساعه
وأرضى من الدنيا بالقليل وخلى عندك ضمير
والتزم بالعباده والطاعه
وتزاحم بجد وأجتهاد على عروض اﻵخره
كما تفعل فى عروض الدنيا
وأغتنم العرض المنجى من الذنوب والسيئات
بقلمي /محمودصلاح السيد12/6/2016