دويتو بين

 

دويتو بين الشاعر انطوان مارون
و الشاعرة لبوة مصطفى
انطوان
بحري عالي ملحو مُرّ
اللي دقو فييّ طارو
موالك ببحري عام
و غلّ بموجة افكارو
لو مرّة عن شِعري صام
حرفي محضر إفطارو
لبوة
قلبك بحر
عيونك سِحر
وقلبي لبحرك غوّارو
لو حط
براسي موّال
بخلّي نجومك ينهارو
انطوان
نجمي عالي ما بينطال
لو مهما لفّو و دارو
من راسك شيلي الموّال
كَرْمِك ناطر خمّارو
لبوة
نجمك عالي وانت كبير
كنت بطالو لو بدي
بس ما فييّ نِخ كتير
حتى جيبك لعندي
انطوان
لو راسك دق النجمات
و فَيّا قمر الليالي
بتصح بقَولا الكلمات
انك لْمستي خيالي
لبوة
نجماتي ما بينعدّو
بلَعّبهن ع اصابيعي
يا رجال الكون اتهدّو
ما فيكن لمواضيعي
انطوان
نجمك ع راسي وعيني
كلامي كلّو جَدّي
بكلمة حلوة اسريني
بس ما بحب التحدّي
لبوة
بشيلك ع راسي من فوق
بنظرة عطف و حنيّة
من نبضي بعملك طوق
حتى يدق قلبك فيي
..............................