يامه يا هوايا

 

 بقلم الشاعرة // حنان محمد عبد العزيز

يامه يا هوايا
=========
يامه يا هوايا يامه
مش فاهمه
الحكايه
قلبه ساكن معايا
يامه
حبيته وكفايه
هو فرحي وهنايا
يامه
فرشتي وغطايا
لنا عارفه البدايه يامه
ولا آخر الحكايه
هو فرحى وهناي
يامه
نصيبي هو و كفايا
اختارته يكون معايا
يامه
يامه يا هوايا يامه
دق على بابي ونده عليا
وبصوته الهادي كله حنيه
ومد لي ايده وسلم عليه
يامه
افتح للهوى قلبي
ولا ارد الباب ورايا
وانهي بايدي الروايا
ايه قصده معايا يامه
ايه قصده معايا
يامه يا هوايا يامه
روح يا هوى
سبني في حالي
قعده اغني
واقول موالي
قوليله يبعد عني
يامه
يامه يا هوايا يامه

لاعمر يوم الهوى
جه على بالي
من كتر ماقالو فيه
مواويل واغاني
يامه
يامه يا هوايا يامه
اللي انشغل بالحب
بيحسد ابو قلب خالي
لا تعرف عيونه النوم
سهران ويا القمر
يعد النجوم والليالي
يامه
يامه ياهوايا يامه
يامه قوليلي يامه
امشي ولا اروح له
اشكي عمايله معايا
يامه
ياما يا هوايا يامه
شغلني بحبه يامه
رماني برمشه
وراح ولا جاش
وروحي دابت فيه
وعنه مابستغناش
ايه قصده معايا يامه
اايه قصده معايا
يامه يا هوايا يامه
-----------------
اغنية من الفلكلور المصري من كلماتي على وزن وموسيقي اغنية الفنانه الراحله فايزه احمد ،،، ادعو الله ان تنال اعجابكم
---------------------------------------------------
بقلمي // الكاتبة والشاعرة حنان محمد عبد العزيز