همسات امراءه
وحيد احمد
حبيتك والحب جميل -- والطبع اصيل
لاجلك عملت المستحيل --ولقيته قليل
نهارى اسقيك من حبى واسهرلك طول الليل
أغطيك بحنان قلبى وعشقى لك كله يميل
وأخرتها أعتبرته ذنب ونكرت ليا الجميل
للاسف معرفتش الحب ولا له فى قلبك دليل
--
زرعتلك تحت الشباك ورده تستناك
عطرتها بريحه هواك طهرتها من الاشواك
وعملتلك قابى ضليله تحضنك لحظه لقاك
ونسيت كل الدنيا وانت لوحدك فاكراك
واخرتها قلت قاسيه ودنيتى مش عاجباك
---
تقدر تقوللى كان ايه مطلوب منى
ممكن تفهمنى ايه سبب التجنى
انا حتى لما الشوق عنك سألنى
جاوبته خطوتى اللى وراك فى كل خطاك
---
من أمتى قلب العاشق للكره مال
من أمتى قلب الحبيب كره الوصال
انا كنت بخاف من بعدك فى الخيال
ولافكرت لحظه انك تهجر هواك
---تقدر تقوللى
امتى السما اختفى منها القمر
ولا الثمر جف طرحه ع الشجر
ولاطفل ترك حضن امه وهجر
كنت ابنى اللى فى الدنيا بترجاك
---
أفتريت على قلبى وسبتنى
ونسيت انك يوم وعدتنى
هتكون ليا اهلى وموطنى
ويفضل نبض قلبى فى حماك
---
انا مش ندمانه
انى اخلصت فى هوانا
وكفايه للنهايه
كنت وياك انسانه
انا فعلا مقدرش انساك
بس لو ناديت هرفض نداك
قلبى اللى انت جرحته
مش هيعالجه يوم دواك
انا مسامحاك
----------------------
ليست هناك تعليقات