طرحتك وجعاني

 الشاعر القدير حسن الشوان // يكتب .......

............. طرحتك وجعاني .............

يا امه قولي براحتك
مستنيه ايه تاني
السنين حبست صمتك
وداريتك ورا بيباني
شيلي بقي إيدك
من علي قورتك
وإشرحي بقي المعاني
وإكبسي اللي بيجيب
دايما في سيرتك
و بيقول إنك بايعاني
ماحسش بتقل شيلتك
ومراراتك في كيعاني
سكوتك زود حيرتك
ومبقيتيش كمان سمعاني
والألغاز بتبوح من صورتك
اللي زودت جوايا حرماني
يا امه الطين يبس صوابعك
وشكلك كله بيعاني
ولو قولتي دلوقتي
ح كون سامعك
ولو مقولتيش يبقي
سرك في زماني
هو اللي غير طبعك
وخلاكي مش شايفاني
يا امه ذهق منك وجعك
وأوجاعه ساكناني
اللي كلبشت في ضلعك
وسيطرت على كياني
يا امه قوليلي إيه منعك
عشان طرحتك وجعاني

.............................................ّ......
..........ّّّّّّ حسن الشوان ......................