دكتور ليه مية عيادة

 محمد لبيب مصيلحى// يكتب .....

دكتور ليه مية عيادة
لازم حسابه داين مدين
ولما يكون من القيادة
يبقى أكيد هايكون متين
لآن سعادته من السيادة
اللى بياخد فلوس على الميتين
هات ورقك بلاش عذاب
خلينا نخلص من الحساب
عايزين نشوف غيرك يا سيد
بلاش نظرة من عتاب
شوفلى عندك كام قتيل
مات نتيجة أهمال طبيب
وكام أسم تمريض عميل
واخد رشوة من الحبيب
على شان مريض محتاج يخف
اخد منه فى بلد الغريب
أحسب معايا وأضرب فى عشره
ماتو فوق فرش السرير
أصل حسابى ليك ده عشّرة
زى الملايا اللى من الحرير
معقمة ومقطرة بعطر الزهور
للى عايش على دم الغلابة
وأنتم تبقو زى الصقور
كنت مدين بقلة فلوسك
بقيت داين بكل خيبتك
طبيب عايش على دم الغلابة
ونسيت انك الملاك بعملك
أدفع أصلك لبلدك مدين
حصيلة فلوسك من سنين
خلينى أخلص أشوف غيرك
اللى فاكر نفسة المتين
.........................................
بقلم / محمد لبيب مصيلحى