** تخاريف.

 صبرى على ../يكتب...........

** تخاريف.
(1)
ماشى من كام يوم' لمحت الصمت بيزعّق'
ومسمعتوش .!
بالتفت خلفى ' لقيت الحب .... بيشاور '
محسّتهوش .!
بعديها شفت الظلم متقسّم على كل البشر ..
بالعدل .!
وانا راجع باليل لقيت الكدب بيضوّى قصاد..
عينى ' مصدّقتوش .!
(2)
قمت مفزوع فى نصّ الّليل, وسمعت قلبى..
دقّ .
كما طير حبيس , أخرس ' وليفه حن..ّ
,و رقّ.
قلت له: "معقول يا قلبي لسّة بتفكّر تحب"ّ?!
سمع الكلام, واستكان, وقال لى :
" عندك حقّ " .
(3)
باقف ويّا الحزن علي النّاصية ' يومياتى ..
عدّى علينا الفرح مرّة, وقال : "تحيّاتى ".
راح الحزن ' متنرفز , وقام ضاربه .!
انا قلت : " أتارى الفرح غلبان... زيّ حالاتى".
(4)
نده علىّ الحبّ, وسألنى : "ليه تودّعنى ".?
وكلّ ما ازرع فى قلبك أمل الاقيك بتقلعنى .!
قلت له : "إزرع محبّتك في قلوب كلّ البشر "..
لكنّ - لو سمحت - ....... " كفاية تخدعنى ".

صبرى على ..