الدنيا فانيه
بقلم محمد سالم
الدنيا فانيه ومش مضمونه الحياه
فقرب لربك وحافظ علي الصلاه
مش هتاخد من الدنيا غير عملك
في الاخره لا هينعك مال ولا جاه
ومهما طال العمر لكن محدود
لو جاء اجلك هتطلع الروح فوق
لو صالح تدخل جنات الخلود
لو عاصي يبدل جلدك بعد الحروق
في فراغك كتر من الاستغفار
الا بذكر الله تطمئن القلوب
اضمن جنتك وابعد عن عزاب النار
وخليك عند ربك والملايكه محبوب
حاسب نفسك قبل ما تنام
نور قلبك وبلاش الظلام
بر بوالدين وخلي قلبك رحيم
وحب الناس واوصل الارحام
وطول ما انت جمبه هو هيحميك
واذا ابتلاك اتحمل وتاكد هيرضيك
وابعد عن الفواحش والمعاصي
لان هيجي الدور وهتترد فيك
ولو ضاقت بيك الدنيا اسجد لربك
واطلب وقوله انا عبدك ابن عبدك
بابه مفتوح واستحاله يتقفل
ده الرؤف الرحيم اللي مش هيردك
بس اديه حقه زي ما بتطلب حقك
ادي فراضيه وروحك وقلبك مهتدون
امرنا نعبده فاعبده يطمئن قلبك
وماخلقنا الانس والجن الا ليعبدون
وادعيله بالشفاء وشفاء مرضانا
وادعي لنفسك بالرحمه ورحمه موتاننا
هتلاقي نفس قريب ومفيش جسر
وواثق هتكون مرتاح يوم الحشر
اللهم اهدي المسلمين
وجمعهم وانصرهم يارب العالمين
اللهم امين
ليست هناك تعليقات