حبيتك

الشاعرة ملك الأصفر / تكتب
.........

 
حبيبي يا نور العين ...
عايش متل العصفورة ...
بترفرف جوات القلب...
ومرسوم بأحلى صورة ...
يا حبيبي انت الأحلام ...
وأنت أحلى أسطورة ...
يانسمة بترد الروح ...
ومتل النقش محفورة ...
كتبت اسمك عالغيمات ...
وبعتا لعندك مشوار ...
تا تقلك أديش بحبك ...
وتقلك أديش بغار ...
وصوتي مع نسمات الليل ...
عم يبحلك بالأسرار ...
ويقلك أنت ربيعي ...
وأنت الجنة وأنت النار ...
حبيتك وبحبك لسا ...
ورح أبقى حبك على طول ...
ورح تبقى برموش عيوني ...
مخبى بالجفن المكحول ...
أنت البسمة وأنت الضحكة ...
والدمعة وقلبي الحنون ...
وأنت أحلى حلم وردي ...
وأنت أغلى مافي الكون ...
........................
بقلم / ملك الأصفر