وأنا وياك

احمد اسماعيل يكتب وأنا وياك
وأنا وياك الاقى الورد بيفتح
واحس انى ملكت الكون وقلبى فى الغرام يسرح
لاانا زعلان ولا محزون معاكى الحزن بيفرح
ياورده محتاجه للصون عبيرك فى الهوا يطرح
احسك ساكنه جوايا مابين شريانى ووريدى
ياسعد القلب وهنايا يااجمل فرحه فى عيدى
وطيفك زى نسمايه تنام فى امان على ايدى
كانى سفينه فى محيطك واخدها الشوق لمرسى بعيد
كتاب انتى وانا قريتك سطورك كلها تنهيد
باحساس قلبى حبيتك ودقات قلبى لك بتزيد
يانجمه وساكنه فى العالى وانا ع الارض مش طايلك
وصورتك ساكنه فى بالى شقاوتك واضحه فى عمايلك
ولا بيصعب عليك حالى عشقت الليل فى جدايلك
عيونك فيها سحر غريب بتاخدنى لعالم الاسرار
وامتى جرح قلبى يطيب وليه الفكر فيك احتار
وليه تألمنى وانت حبيب وليه قلبك يكون غدار
اتارى قربى ليك تعذيب بيحرقنى كانه نار
يامن للقلب كنت قريب كفى بالله تقول اعذار
شعر احمد اسماعيل / شاعر العرب