حياتي معاكي

ابراهيم بدر عبدالله يكتب

 حياتي معاكي "

من قبل م أشوفك أنا شوفتك
وبقلبي ونبضه أنا عرفتك
ورسمتك قمرة في خيالي
ورميت الظن اللي ف بالي
دانتي غيرتي أحوالي
أنا شوفت النور لما عرفتك
تلاقيني أنا ف شوقك سارح
مش عارف بكرة من امبارح
دا الورد على خدودك طارح
وخيالي بيحتار من رسمك
وبغير م النسمة على خيالك
دا جمال الدنيا في جمالك
والليل ف بعادك بقى حالك
م انا حالي أصله من حالك
والضي بيلمع من إسمك
ماهو إسمك ضي على جبيني
والفرح ف قربك يلاغيني
وحياتي بترقص لحنيني
والنسمة احتارت من رمشك
من قبل م أشوفك أنا شوفتك
وبقلبي ونبضه أنا عرفتك

#إبراهيم_بدر_عبدالله