مستهلش منك كدا
قلم . محمد سالم
مستهلش منك كدا
علشان من قلبي حبيتك
انا اللي كنت بلبي الندا
ولا مره زعلتك ولامره صديتك
انا الصادق مش الكذاب
وشايفك دنيتي وقمري
انا اللي دخلت من الباب
وعايز اكمل معاكي عمري
انا اللي بحترمك واهتم بيكي
عشان انتي روحي وجروحي بتداويها
انا اللي بشوف الدنيا بعنيكي
وحالف من غيرك مش هعيش فيها
ليه تقسي عليا وانا حنين
وعارفه انك اغلي حاجه عندي
جرح العشاق مش هين
وعارفه ان روحي وعشقي انتي
انا ابوكي وانا اخوكي وانا الحبيب
انا شفاكي وانا دواكي وانا الطبيب
انا العاشق الولهان بيكي
لو غبت عن نفسي عنك مش بغيب
ارحمي قلبي اللي حبك
واللي حالف ما يشيل غيرك
انتي في قلبي خليني في قلبك
قلبي اللي ملهوف انه يجيلك
ليست هناك تعليقات