من الأول من الآخر
عادل على/يكتب.............
من الأول من الآخر
غريب ف الدنيا ومسافر
من الأول من الآخر
فى ليل غربه و ملوش آخر
يا دنيا الصبر أجيبه منين
وليه قاسيه على المساكين
وليه العشره بعد سنين
تروح وتغيب فى غمضة عين
وقلب وحيد هايشكى لمين
بيصرخ ...
بس مين سامعين
ناس عايشه الحياه كدبه
وناس قسمتها فى الغربه
يدارى الدمع فرحتها
تتوه الناس فى ضحكتها
تدوس على الشوك فى سكنها
فى وسط الناس باوجاعها
بتحلم تانى روحها تعود
تقول يارب رجعها
لكن روحها سنين غايبه
واهى عايشه المرار تقاسيه
ودمع العين كتير تداريه
من الغربه وحياه صعبه
بتصبح ف اللى بتبات فيه
وقلب حزين بنار تكويه
لامتى ياقلبى هندارى
يا روحى كفايه تحتارى
ونفسك مره تختارى
تعبت يا ناس فى مشوارى
ده حتى الصبر
صعبت عليه
.
.
.
.
.
بقلمى ----- عادل على
ليست هناك تعليقات