حب مصر
شيرين قزامل /تكتب...........
((( حب مصر )))
............................................
وحق رب الكون
دمي فداكي يهون
يا بلدي حلفت يمين
اكون لك ابن أصيل
في ارض سينا ادوب
وراضي بالمكتوب
مع كل طلقة نار
يذيد جوايا اصرار
اخد لاخويا بالتار
كان جانبي وسط النار
دلوقتي مش موجود
يا امي ما تبكيش
انا نفسي ابقى شهيد
في زمرة الشهداء
وان جيت ملفوف في العلم
قولي ابني اتولد
في جنة الرحمن
يا مصر يا ام الكرم
في حبك قالوا كتير
من الشعر والمواويل
انتي عروس النيل
انتي بلد الأحرار
انا اعمل ايه في حبك
مليش حبيب بعدك
حب الوطن خلاني
اموت شخص تاني
يعرف قيمة الأوطان
وانتي يا مصر غاليه
وغلاوتك في القرآن
قلبي عاشق لارضك
ورملك في البوادي
نعمة من المنان
يا ام الدهب الأصغر
يزين جيد الزمان
مين يقدر في يوم يهزم
في قلبي حب الأوطان
مهما كتروا الاعادي
ربي حاميكي يا بلادي
ونصرك على الأعداء
يا مصري يا ابن النيل
عليك لمصر جميل
واجب عليك تحميها
وتدافع عن اراضيها
وتكون من الشاكرين
انك من بلد الأمان
بلد حضارة ونيل
وطيبة شعب جميل
دي مصر اجمل الأوطان
بقلم
شيرين قزامل (( مصر ))
2016/12/1
ليست هناك تعليقات