انت فاكر

الشاعر أحمد طلبه / يكتب

..............

 
انت فاكر لو مشيت
إني هضعف وانهزم
دانت لاء هتكون بنيت
بِنَا سد ما ينقسم
مش هكون لعبه بإيديك. لو لزم هقسي عليك
الف عيب لقيته فيك. دلوقتي لازم يتحسم
.......
قلبي كان منك واجعني
وانت ولا همك مشاعري
وإن في مره تكون سامعني
تنسا بعديها الكلام
وأفضل تاني أتحمل وادرس علي نفسي وأكمل
وابدء معاك من الأول. واداري جوايا الألام

انت فاكر ان حبي ضعف مني
وذل ليك
ولا فاكر لو تفوتني
أتألم وأجري عليك
انت من جواك اناني مش بيتمر فيك حناني
مهما كنت مليت كياني. عمري ماارجع احن ليك
مش هكون لعبه بإيديك
لو لزم هقسي عليك
الف عيب لاقيته فيك
دلوقتي لازم يتحسم 

................

 كلمات. احمد طلبه