(( زمان الحب في الحواديت ج2 )) ( للحزن في قلبي مكان )

محمد عطيه محمد/يكتب..................

رباعيات الأحزان 

(( زمان الحب في الحواديت ج2 ))

 ( للحزن في قلبي مكان )

زمان الحب في الحواديت

زمان الحب في الحكايات

تاه في ليل الهوي ومات

وراحت سنينه وضاع زمنه

ما عدتش ست الحسن

بتحلم بفارس الأحلام

ما عدتش عاشقة الحب

ولا دايبة في الأحلام

ياست الحسن أنا صابر

وليه في الحب أنا أيوب

وإداري مهما أنا إداري

هوانا الوعد والمكتوب

وشوفي صدقي في عنيه

بلملم جرحي بإيدايا

دأنا عاشق وفين ما بروح

يبان الحزن في ملامحي

دأنا عاشق ياروح الروح

عنيكي مرسي أحلامي

كلمات الصدق

فارس الليل الحزين

محمد عطيه محمد

 3/1/2017