(ياريت)
حربي علي/يكتب...............
أغنية
(ياريت)
عشت فى كلمة هيه ياريت
ساكن فيها. الكلمة هويت
حبيت ضحكة من الإحساس
جوه وبره قلوب الناس
بس . ياريت كانت إخلاص
كانت جات زى ماإتمنيت
عشت فى كلمة هيه ياريت
كانت. كلمة ولسه معايا
جوه في قلبى عامله حكاية
عشت فيها . بقلبى الطيب
كتبت حروفها وكنت قريب
لقيت الحب . يبكى / يدوب
خلانى أقول أنا ليه حبيت؟
عشت فى كلمة هيه ياريت
عصرت الحب. وجبت آساسه
سقيت الحب وشربت أنا كاسه
علمت الناس . تحب إزاى
معلمتش نفسى أكون نساى
ضيعت . كل اللى كان وياى
ورجعتى يانغمة لحد البيت
عشت فى كلمة هيه ياريت
ساكن فيها الكلمة هويت
كلمات
حربي علي
شاعرالسويس
ليست هناك تعليقات