للحسن موال
السيد شوقي السيد/يكتب...............
للحسن موال
ياللي الحسن من ادك ولف الهوى مال شالك
غزال الحي مين ادك واﻷرض بالورد فرشالك
اسقيك الشهد بايديه والنبء يتقدم عشالك
ياما غار الورد من خدك ويميل الغصن مع ادك
وانا من حسنك بأدعي لمن فطمك ومن شالك
**************
على مهلك واستنى شويه
ياسمر يابو عقد بدﻻيه
على أد دﻻلك ياعنيه
حبك في القلب ماله نهايه
انا قلبي غاويك وانا دايب فيك
وبرهن إشارتك ياعنيه
العين تهواك والقلب فداك
ودﻻلك ماتخفه شويه
أسهر اناجيك واتغزل فيك
وخيالك ساكن حواليه
والصبح وراك اتمنى رضاك
خطواتك كلها حنيه
وعبايتك شيك جواها مزازيك
زغللت العين روحه وجايه
على مهلك واستنى شويه
ياسمر يابو عقد بدﻻيه
ياكحيل العين غمزوا الخدين
ياجمال الوانهم ورديه
والضحكه ياهو وعالكف تاتو
والشهقه تدوب يجي ميه
ووخدني لفين هز الكتفين
مانا دوبت وباين في عنيه
وقوام ملفوف والخصر يطوف
في عبايه ستان من الشرقيه
واللفته جنان خفه وميﻻن
طيرت العقل ياصبيه
على مهلك واستنى شويه
ياسمر يابو عقد بدﻻيه
شهرين بﻻغيك واحايل فيك
ياسمر ياجميل رد علي
انا سوقت عليك خدك وعنيك
وامانه عليك ترضى علي
ياحبيب والديك ماتمد ايديك
وانا اشيلك ياجميل في عنيه
وانا بستناك تحت الشباك
ياسمر محﻻك طل علي
يابو شال مغزول داير مايدور
عالكتف ولفه بحنيه
آه منك آه ورمشك محﻻه
بيسوي هوايل كده فيه
على مهلك واستنى شويه
ياسمر يابو عقد بدﻻيه
على أد دﻻلك ياعينيه
حبك في القلب ماله نهايه
قلم السيد شوقي السيد
ليست هناك تعليقات