سالؤني
نور الدين سعد/يكتب.............
سالؤني
يوم الابع يبقى ايه
قلت الخميس باين يا بيه
قالوا افهم يا بجم
القصر فيه تلات سلالم
سلم للناس اللى فوق
وسلم عملوه للخدم
واخر سلم مش باين
كل اللى شافه اتعدم
ياما كتير كانوا زيك
والناس فرحانة بيه
يلا قول من غير جدال
يوم الاربع يبقى ايه
قلت الخميس باين يابيه
قال مش فاهم تاريخ
زيك كتير علينا داير
يوم الاربع يا بجم
خمسة وعشرين يناير
يوم خرجنا من ورطة
يوم كان عيد لمصر
فيه نقطع الترتة
يوم الكل بيلبس ابيض
انا قبل ما يكرر سؤاله
قلت هيبقى عيد الشرطة
عيد سرقة الثورة
من الثوار
عيد يهنئ فيه ترمب
ويشارك فيه بشار
عيد الحكم بالإعدام
على الأحرار
عيد فيه الف وعد
اصدق وعد كان كداب
عيد بيوعد انك تاكل
بس ادفع الحساب
عيد الجوع للغلابة
عيد الحسرة للشباب
عيد ياريت ما كان موجود
عيد مهد لانقلاب
الكلام كان في سري
لساني مقدرش عليا
سمعت صوت صحاني
من حلم كنت انا فيه
لسه الغشيم بيسألني
يوم الاربع يبقى ايه
يوم الاربع يوم ثورة
ثورة عملوها الشباب
يوم سجله التاريخ
يوم سرقوه الكلاب
يوم قتل فينا الخوف
يوم راجع تاني لينا
عيد ثورة مسروق
والجاني فيه العسكر
قال عرفت عنوانك
قلت تعالى لحالك
انا بابي اصلا متكسر
قال فاكر بالكلام
تقدر تسقط النظام
اللى زينا بيمسك لجام
واللى زيك يعض فيه
قلت نهاية الكلام
مهما كان نوع الحصان
بكرة يقطع اللجام
ويجيبك تحت رجليه
الشاعر /نور الدين سعد
ليست هناك تعليقات