عشان خاطري

 الشاعر منير خاطر //يكتب 

سجل بس معاك النمره

نفسى اسمعلك تانى مره

هحكى انبارح إيه حصل 

طب حتى رن وانا اتصل 

بس عشان خاطرى متنساش

أنا عندى دقايق ببلاش

وحجتك راح ابطلهالك 

إوعى تقولى وراك أشغالك 

بحب احكيلك واكلمك 

سلامات والله يسلمك

وكيف أحوالك النهارده

الليله حر وللا بارده

عندك أكل فى التلاجه

أهو نحكى ف أى حاجه 

مكانش عاجبنى صوتك انبارح 

عماله اتكلم واتابيك سارح

بيريحنى كلامى معاك 

وودانى تفرح لو سامعاك

فاكر أول مره عرفتك

لما قلت ألو وسألتك

وانا صاحيه والنوم فعنيه 

الرقم دا رن عليه  

منير خاطر