انت اللي جرحت
الشاعر اسلام عامر/يكتب
.................................إسلام عامر ..... إنت اللي جرحت
لو كنت تعبتك من الأول
أنا كنت ارتحت
وعشان رايحتك وصارحتك
إنت اللي جرحت
لوكنت داريت عنك حبي
وكتمت الشوق اللي ف قلبي
لو قلت كفاية اني أشوفك
وكفاية عليا أسمع صوتك
من غير ماتحس بحنية
ولا ألفت نظرك يوم ليا
أنا كنت ارتحت
كنت ارتحت
لوكنت داريت معنى كلامي
وتشوف بعنيك مر خصامي
وبإيدي أديك كاس أحزاني
تشرب وتدوق منه آلامي
أنا كنت فرحت
كنت فرحت
لكن علشان إنت الجاني
وعنيك وقلبك عنواني
تؤمر وتتحكم فيا
وماشوفش منك حنية
يإسفني أقولك يا حبيبي
ازاي بتعشق تعذيبي
وتقيد فى ناري ولهيبي
ويهون عليك دمع عينيا
ولاكنت يوم حاسس بيا
وانت انت انت
انت اللي ارتحت
وإنت انت انت
انت اللي فرحت
وانت انت انت
انت اللي جرحت
كلمات
إسلام السيد حسن
السيد سالم
عامر
ليست هناك تعليقات