*ضريح.

صبري علي/يكتب............

*ضريح.

(1)

أنا مش مجرّد دمعةنزلت من عينيك..

ولّا آهة اتشعلقت بين الفؤاد, والرّوح.

ولّا قلب ارتاحت له..

ولّا حضن تحنّ له..

لمّا تكون مجروح.

(2)

انا مش مجرّد حرف بتحفره..

فوق غصن سنط..

والسّهم راشق..

جوّة قلب بتهجره..

والغصن لسّةجريح.!

(3)

أنا مش مجرّد إسم من حبّة حروف..

أو شطرة ف قصيدة..

أو كلمتين ف تنهيدة..

ولّاوجه مليح.!

(4)

انا مش مجرّد حرف ف كتاب الغرام..

تقراه قوام..

وتعدّله , او تمسحه.!

هوّ انت بجدّ..

متعبتش من التصحيح.!

(5)

انا مش مجرد فعل ماضى..

عدّيت مرّة عليه..

عايزة ابقي حال..

هوّالتّشبّث بالحنين' ف الوقت ده..

اصبح محال.?

خلّيك يا روحى صريح..

(6)

أنا مش مجرّد أسئلة بلا أجوبة..

أنا صرت روح ' متغرّبة..

شايلة مشاعر مرعبة...

وتباريح..!!

(7)

انا باعترف أنّ سهم الحبّ'صابني..

وانّ سحر هواك' غصبني..

وانّ شوقي غلبني..

زيّ ريشة ف ريح.!

(8)

انا باعتذر منّك 'حبيبي..

لكنّى باوعدك..

إنّى آجي ف الخريف من كل عام..

بتوب حزين..

أزور الجذع واترحّم..

وانفض تراب البعد..

عن قلبي, والحرفين.!

وانشر باقات الفلّ, والياسمين..

 في وسط أحلى ضريح.!!

صبري علي

ينايرر17