نظرة عينيك
ابرام كمال/يكتب......
<< #قصيدة نظرة عينيك >>
حبيت اسلم من بعيد
بعد ما عينك جت عليا
عارف انك مش سعيد
ولا هاتحس ف يوم بيا
بس فاكر ايام زمان
ايام ما كنت قدامك
كنت بحس بالامان
لما تسمع وداني كلامك
كنت اجري عشان اشوفك
وتلمس ايديك ايديا
واشوف بعيني كسوفك
والدنيا بتفرح حواليا
كنت اغني واقول مواويل
لما كنت اشوفك قدامي
كنت بسهر عشانك الليل
عشان تيجي ف احلامي
بس بخاف دايما عليك
حد ياخدك تاني مني
ولسه ايديا مسكه ايديك
ويبعد قلبك تاني عني
قررت ان اعيش عشانك
حتي لو كنت هاموت
افصل دايما ف مكانك
لحد ما اسمع منك صوت
اصل لسه نظرت عينك
بتيجي دايما ف احلامي
مش قادر تنسي انك
قالب بحبك منامي
خايف اقولك بحبك
لما اشوفك تبص عليا
بس خايف انا من قلبك
ميحسش ف يوم بيا
كلمات الشاعر ابرام كمال
ليست هناك تعليقات