الحب يطلع ايه
الشاعر كرم الشحات //يكتب
..... الحب يطلع إيه .......
كام نفسى بس افهم
الحب يطلع إيه
إن كان إليه تعريف
وسئلت أستعلم
كل اللى مر عليه
ما سمعت غير تخاريف
منهم بيشتم فيه
ويقول ملهُش أمان
وكتير يقول لأه
الحب كله إيمان
الحب يطلع إيه
ميت ألف ألف جواب
إحساس بميل جارف
للغير بدون أسباب
أحلام كتير تمْلاك
وبفرحة يعلى غُناك
والكل يحلى إليك
القرب والأغراب
منهم بيشتم فيه
ويقول ملهُش أمان
وكتير يقول لأه
الحب كله إيمان
الحب يطلع إيه
غير إنه بس كلام
يخدك وتفرح بيه
وتعيش سعيد أيام
أيام قوام بتفوت
وقوام قوام بتموت
كل الوعود فجأه
ولآ تبقى إلا ألام
منهم بيشتم فيه
ويقول ملهُش أمان
وكتير يقول لأه
الحب كله إيمان
الحب يطلع إيه
إحترت فعلاً فيه
إحساس جميل ولآ
كل المواجع فيه
وإن شوفته أستغنى
أنا ولآ اسلم ليه
إحترت وف حيرتى
دلونى أعمل إيه
منهم بيشتم فيه
ويقول ملهُش أمان
وكتير يقول لأه
الحب كله إيمان
# كيمو #
ليست هناك تعليقات