بحلم
بقلم
وحيد احمد
بحلم أسهر وياكى الليل
وفجره يطول ما يطلعشى
وتكونى ليا فى ليلى دليل
وحنانك عنى مايتوهشى
ننسي الزمن ننسي الرحيل
أنسي لحظة تيجى وأمشى
ويكون عمرنا كله ليل
وعيونا فيه ماتغمضشى
وقلبك على قلبى يميل
يدفينى حنانه مبردشى
والأحساس جوانا سبيل
يصحى هوانا ما ينمشى
وعطرك يفوح بالعبير
ينعش قلبى فى دقاته
وأحضنك كأنى ملكت الدنيا
أنا فى غيرك ما أطمعشى
والحنان فى عروقنا يسيل
يروى القلوب ماتعطشى
ومشاعرنا فى بعض تتوه
أحنا مين-فين-ماتفرقشى
أنتى مالكيش بديل
أنتى أنا -وأناأنتى
ياأنا نعيش حلم طويل
حلم بعده ما أحلمشى
وعمرنا يكون كله ليل
صباحه يطول ما يظهرشى
ولو سمعنا صوت الفجر
يكون أوشك عمرنا يمشى
-------------------------
وحيد احمد
ليست هناك تعليقات