بيقولو عيدك
الشاعر بيبو البدر الساطع/يكتب
كل عام وامهاتنا جميعا
بخير وصحة وسعادة…
واللهم اغفر لأمهاتنا وأبائنا
الذين رحلوا عنا…
💖💖💖💖💖💖💖💖💖💖💖
بيقولوا عيدك..
دا انتي يامه كل ذكرى ليكي عيد..
ردي لجميلك..
دعوه صادقه
لقلب صافي في يوم جديد..
كل ركعة وكل ساجدة
ميفارقش لساني اسمك..
اترجى ربي
ان في حلمي لو يجيلي بس رسمك..
اصحى يبقي يومي احلى…
زي ايامك يا أمي…
يا اللي صورتك ذكرى جميلة..
محفورة وف جوه قلبي..
يا حضن دافي يا قلب صافي..
كنت الاقيه في الشدة جنبي..
يا لمه عيلتي انتي وابويا..
بادعيلكم في سجودي ربي…
💖💖💖💖💖💖💖💖💖💖
وقل ربي ارحمهما كما ربياني صغيرا..
اللهم امين يارب العالمين
💖💖💖💖💖💖💖💖💖💖
بيبو البدر الساطع. السويفي
ليست هناك تعليقات