ملوش لازمة
الشاعرالمبدع جمال القياس/يكتب....
ملوش لازمه نعيش أزمه
عشان مين أصيل عن مين
كلنا ولاد تسعه
ولاد ناس وبنى أدمين
على تربها وف دربها
كلنا عايشين
وبكره نعود أكيد للطين
ملوش لازمه نعيش أزمه
عشان مين أصيل عن مين
ومين فينا يكون قادر
بمال الدنيا يأخرعمره دقيقتين
ومين منا يكون فاجر
بجاه الدنيا يبدل قبره غير الطين
سيبوها لحالها ليها مولى مدبرها
وخلونا بالمحبه كلنا عيشين
جنب الفقير يعيش البيه
مفيش واحد فيهم يعيش عمرين
شعر عامى
الشاعر جمال القياس
ليست هناك تعليقات