مش عاجبك
الشاعر يسري مطاوع/يكتب
مش عاجبك
*************
مش عاجبك تحبيني
بعد ما عشقتك
وسحرتي عيوني
ارجوك خلاص
من فضلك انسيني
عرفت حياتي
انا ايه دلوقت عندك
كلام بلا إحساس
كلمة قلتيها وخلاص
كفاية عذبتيني
راح الحب راح
والقلب كله جراح
وكله روحي منك
كله من حبك
هوستيني
قلتيلي بحبك
وقلبي هام فيها
وفضلت أحلم
بكل معانيها
جاية دلوقتي
تنسيها وتنسيني
أعمل ايه
والزمن آسي علية
والدموع ملية عنية
والأماني كلها
صعبة علية
ليه أنت حياتي
بالذات ظلمتيني
ليه قلتيها لية
وجاوبتي إحساسي
نسيت علشانك
فيها نفسي وأنفاسي
وشربت بهواكي
مرار كأسي
ليه تاني منها
حياتي حرمتيني
معقولة ده كله منك
تظلميني بحبك
بعد ما اتحديت
الكون عشان خاطرك
وبإيدغدرك قتلتيني
كنت حاسس
إني تايه بين دروبك
إني غريب عنك
ومش محبوبك
غالطت نفسي كتير
وخدعني لون توبك
اللي منه خلعتيني
خلاص حفظتك
مش راح انخدع تاني
عرفت أنا ايه منك
وعندك فين مكاني
تأكدت من الكون
إن حبك لية كاذب
بيه خدعتيني
.............بقلمي // يسري مطاوع
ليست هناك تعليقات