بسمة أمل بقلم الشاعرة الاديبه حنان محمد عبد العزيز

بسمة أمل
-----------------
مدام بالك بقى بالي 
اسمعني بسرعة تعالالي
تعالى اقعد هنا قبالي
هقولك فكرة في بالي
هتشغل بالك البالي
مع اني عارفه عقلك
كبير وعمرة ماكان بالي
انت الخبرة للشباب
وكمان الدهن ف العتاقي
وعمر الشيب ماكان عيب
ولا الراجل بيه بيتعيب
شيب الشعر زي نجم الليل
بيشع نوره به الليل بيتزين
ايه رايك لو نقدر
نزرع الصحرا ونعمر
نعلم ولادنا ونكبر
حب العمل شيء غالي
بلدنا محتاجة رجالة
تسندها وتعدى بها الحالة
طوبة على طوبة
وبنى بيبني ومناول
حط ف القصعه المونه
وبايدك شيلني وشيل
علم عيالك قبل الليل
ما يليل
يالي معاك حبة امل
حود هنا وميل
خد جرعة مقويات للعمل
وقول لعزولك انبط واتنيل
احنا اسود في ارضنا
والخير كله عندنا
بالعزيمة والارادة
هنعدي الازمة وزيادة
#بقلم_حنان_محمدعبدالعزيز