يلا نرقص يلا نغني
الشاعرالمبدع عبدالحميدطيرالبر/يكتب....
أصدقائى الأعزاء
قصيده مقصوده
***
يلا نرقص يلا نغنى
مع نسمه ساعة أصيل
ننسى شويه غم الدنيا
ناخد مركب جوه النيل
كل واحد منا يقول
غنوه قصه أو مواويل
أترك هم وأنسى الغم
عيش اليوم بكره رحيل
مهما العمر طول بينا
واحد يرحل دمع يسيل
يلا ياعم سيب الزم
عيش بالحق مافى بديل
أنزع حقد حب الناس
دا الحقد مواله طويل
أحنا بنوزن والمضايق
أوزن بره روح ياجميل
هيه حاله مش أستحاله
أفرح وأكتب قول وهيل
فلبى بجد أبيض رايق
أحاسب نفسى كل ليل
مين هنانى مين بكانى
قلبى مسامح هوه عليل
عينى تقفل جانى النوم
قبل ما نام بقول تراتيل
اللى دماغه فيها الناس
ما يتهنى يتعذب حيل
بقلم /عبدالحميد طير البر
ليست هناك تعليقات