لو كنت راجل كل
الشاعر المبدع ماهر محمد كامل/يكتب
?؟،،،،،( لو كنت راجل كُلْ ) ،،،،?؟
(*) ،،،،،( قصيدة )،،،،،(*)
(*)،،،،، ( للشاعر ماهر محمد كامل ) ،،،،،(*)
،،،،،،،،،،،،،،،،،،
لوكنت راجل كُلْ
وأملأ بطنك
من الحرام
وسأل ضميرك
لما تيجى تنام
إيه ذنب آكل
مال الآيتام
هتسمع كام آية
من القرآن
وعيد وتهديد
عن بطون
تأكل النيران
يا اللى بنيت جسمك
من السحت
يا غلبان
النهارده دنيا
وبكره ما تقدر
على الديان
حقوق توفيها
وحسناتتك هتساوى
كام
فى الميزان
هتقول : ربى غفور
ورحمان
هأقولك : أكيد
بس حقوق البشر
ذنوب لا تغتفر
والعدل لا يغفل عنها
ولا ينام
لو كان ذنب
بينك وبينه
دا فيه كلام
دا إنذار وبيان
وجهنم مستنياك
بزفيرها
وسلسلها
وزقومها
والوديان
علشان توفى
الحقوق
اللى عليك
يا غفلان
ولو كنت راجل كُلْ
،،،،،،،،،،،،،،،،،،
بقلم / الشاعر ماهر محمد كامل
5 / 5 / 2017
،،،،،،،،،،،،،،،،،،،،،،،،
ليست هناك تعليقات