منين أجيب النور
الشاعر حسن الشوان //يكتب
................................... منين أجيب النور ؟؟ ..........
الصوره دي مش فوتو شوب
ولا مشهد من أفلام الرعب
صورة حقيقيها من واقع مر
حركت جوايا المشاعر والقلب
في عمق أراضينا أرض العرب
بقينا حقل تجارب من الغرب
ومبقاش لينا قيمه ولا سعر
ومتحرم نقول اه من الضرب
هطلت الكلمات من قلمي
تكتب أهات وأنين ألمي
مواجع مشفتهاس في العمر
الدنيا شعشت من ظلمي
وهي في الأصل أظلم مني
و بتشتكي للناس همي
وانا قليل الحيله إيدي مغلوله
من بعد ما ماتت أمي
وهرب مني التمعن والفكر
وإتبحترت حروف أسمي
ومبقتش شايف السطر
النهارده بقا الدم شكله عادي
وشعوبنا بتموت في كل وادي
والأعيان ما يهمهم إلا الكراسي
والنغمه الناس تموت فدا بلادي
من كتر الكلام مل مني إحساسي
ومش عارف انام وحواليا حراسي
عشان الضمير جوايا وعامل نفسي ناسي
ومنين ح جيب العدل وانا قراري مش من راسي
واللقمه اللي باكلها مفيهاش عرقي وأنفاسي
حتي السطر إشتكي مني وغضب مني كراسي
وإستفرد بيا الوجع وكمان شيب شعر راسي
ومنين أجيب النور وانا بإيدي طفيت نبراسي
............................................................
..........الشاعر حسن الشوان ........................
ليست هناك تعليقات