لما انته قاسي في حبك

الاستاذ جلال الخطيب / يكتب .......

لما انته قاسي في حبك
طب ليه معشمني بقربك
و عجيب والله دا أمرك
وللا أنت غاوي ألاعبك
طب خد بالك من قلبك
يمكن تلقاني جواه
وساعتها هابرد ناري
وأخلص منك تاري
واعمل مش واخد بالي
ولاهااسمع قولة آااااه
انته اللي بدأت ياغالي
وشغلت القلب الخالي
خلتني أدوق الآاأاه
كنت أسمع عن الأشواق
وعذاب وجراح مشتاق
وادعى ربي الخلاق
يشفي اصحاب الهوى
وسامعهم بيجيبوا سيرتك
وكلام وحديت على عندك
يامدوخ في الهوى خلك
وعايش بالطول والعرض معااااه
طيب استنى عليا ولاتفرح بالقوي فيا
دا أيام وهاترجع ليا مكسور من كتر الآااااه
دي الحتة اللي غلبت أداريها
وسنين وأنا أداري عليها يمكن تفهم بإشارة هواه