- ب أحسك لسه جوايه -

 الشاعر محمد رمضان / يكتب .......

** - ب أحسك لسه جوايه - **
و رغم انك
بعدتي خلاص
و بعتي قلب
كان حلمه
يِكَمل عمره
وياكي .
ورغم اني
قلت خلاص
القلب تاب
فاق م الوهم
و نساكي .
ب أحسك
لسه جوايه …
و أحس البسمه
في شفايفك
و أحس الدمعة
في عنيكي …
و يوجعني قوي
بُكاكي .
ب أحس ال آآآآآه
و هيَّ مسافره
في ضلوعك …
تملا قلبي
بالأحزان …
و أحس الجرح
جواكي .
و قلبي م الوجع
يصرخ …
سلامتك آآآآآه
أنا فداكي .
بقلبي و قلمي في 10 / 9 / 2015
محمد رمضان