لا تدري
الشاعر المتمرد الهواره
عاطف كمال فهمي/ يكتب
، 😂😂(لا تدري )😂😂
ياللي نعسانه ما تدري
اني سامع نبض قلبك
شوفت جفنك غطي عينك
غطي اجمل حاجه عندك
شوفت شعرك ع المخده
زي ليل فيه ضي جنبك
بهمس الكلمه واقولك
اه بحبك رغم بعدك
اه بدوب لما بتنسي
قلب حبك رغم عندك
كل دقه ف قلبي نابضه
ناطقه اسمك ويه حبك
كل لمسه ايدي لايدي
لسه حاسه بلمس جلدك
يا منايه ف كل لحظه
مش هاحب انا حد قدك
بعت كل الدنيا ديا
بعتها ف قوام وجتلك
حتي من غير اي معني
بس حب يدوب ف عشقك
تسحريني وانتي صاحيه
وانتي نايمه ايه دا سحرك
لما شفك شفت جنه
بس محتاجه لضيك
ضي عينك نور في جنه
فتحي عينك وجفنك
يا ملاك في دنيا قاسيه
نور جمالك شق صخرك
ردي قولي اه بحبك
يبقي قلبي رهن يدك
ليست هناك تعليقات