قلم رصاص
الشاعر علي البحيري /يكتب
(قلم رصاص)
متقولى إيه السبب
ياابوسن انتيكه
إيه يعنى لابس عمامه
جواها استيكه
تكتب وتشطب براحتك
والحجه تفليكه
حاسب لاسنك ضعيف
والحاله شيكا بيكا
راح يجى يوم تنكسر
من كلمه تلكيكه
ولاراح يفيدك ندم
ولا غنوه ع السيكا
وبلاش اقولك كمان
حينعكشوا قبرك
والحجه إنك رصاص
فى الأصل يا ويكا
وأرجع وأقولك نصيحه
من قلم صاحبك
إياك يغرك حروفك
وتأسى على صاحبك
تكتب وترسم حكاوى
علشان هوى صاحبك
حيكون ساعتها الألم
طالك وطال صاحبك
بعد ما بدل حروفك
والحبر صار صاحبك
لا شطب ينفع معاه
ولا استيكات صاحبك
كلماتى.
م/ش/على البحيرى
ليست هناك تعليقات