اه لو قابلتك من زمان
الشاعره/رشا احمد /تكتب
اه لو قابلتك من زمان
.
كان نفسي اقابلك من زمان
نعيش سوا نفس الايام
نحلم نطير فوق السحاب
نبني بيت بعيد عن الصحاب
نعيش في دنيا كلها أحلام
نكبر مع بعضنا
ولا شئ يفرق قلبنا
اه لو قابلتك من زمان
كنا كسرنا كل القيود
وعدينا مع بعد الحدود
إيدي في إيدك مين قدنا
هنعيش مع بعض حبنا
هيكون قلبي حضن الحنان
ويكون قلبك بر الأمان
اسقيك من شهد الحب
اشكال وألوان
تسكر من حبي وتعيش ولهان
تفرش قلبك بالورود
وتسكني جواه من غير قيود
تكون أنت شمسي
وعيونك كل فرحي
أه لو قابلتك من زمان
كانت دمعت عيني سابتني
والفرحه جوه قلبك صادفتني
كنا حطمنا رماد السنين
والسهر وكتر الأنين
كنت شوفت صورتي في عينيك
وشوفت نفسك وانا مضلله عليك
اه لو قابلتك من زمان
كنت يا حبيبي هفضل جانبك
ولا افارقك ثانيه
واكون اقربلك من قلبك
ورغم اللي كان وكل الاحلام
انا يا حبيبي بحبك
حتي لو ماتقابلناش من زمان
هتفضل انت أهم إنسان
.
.
.
.
.
بقلمي
رشا أحمد
ليست هناك تعليقات