الكرامه
الشاعر يسري عثمان /يكتب
عن موضوع الكرامه برضو
=========
ياريتك بتسمع تحس الوجع
فيه كدابين ياما تسوٍى البدع
وشوش الديابه بتعجب خسيس
ويا ما عمامه تموت فى الدلع
---------------
الكلب تعاشره امين وشجاع
وصاحبك يسقف ف كل اجتماع
مدقدق وعاجب مبادىء لميس
جبال خسه كرشه ممكن يساع
---------------
ماهو نتش عبيط وفالح قوى
وعارف وفاهم فين يستوى
ولا انت خفه وناعم وسيس
لكن بكلمه ساعات تتلوى
----------
وانت اللى عارف خضار الندى
وانت اللى شايف ظلام ابتدى
وقاعد وفاهم وعامل جعيص
ماتقولى ياصاحبى ليه كل دا
----
وبتقول كرامتى بحورهاوسيعه
سجنوا الصبيه ومعاها رضيعه
وعمال تطبل وترقص تهيص
والله مبادءك رخيصه ووضيعه
-------
وساعة ماتصحى وضميرك يفوق
وتقول لى ياصاحبى وعمى وذوق
وحاتمد ايدك لصاحب حسيس
حاشيلك بعينى وحابكى بشوق
ليست هناك تعليقات