حسن عز الدين
....... ....... محدش مرتاح ..... ..........
جوانا الحزن بقى مالينا
وبقينا نصبر بعضينا
وبنشكى همومنا عشان نرتاح
لاكن ولا حد حاسس بينا .....
الكل مفكر نفسة حزين
واتارى فى غيرة ملايين
بتعدى ايام وتمر سنين
والدنيا بتحكى فحكوينا ......
الدمعة خلاص صحبتنا
والفرحة هربت وسبتنا
الهم بقى خلاص مالى بتنا
بقينا بنخدع بعضينا ........
وبقينا بندارى فى وجعنا
وخلاص الضحكة بتوجعنا
والدمعة بترسم سكتنا
وبقينا نعد فى خطوينا ...........
ايام جابت لينا الكافية
صابرين عايشنها بالعافية
وياريت بقى فى حاجة كافية
من المر والهم اللى مالينا .........
وبنتغرب علشان المال
والهم بيوزن جوانا جبال
ومحدش قادر يغير حال
الدنيا بتعاند فينا .........
وكل واحد فى اللى ملية
مش لاقى حد بيخلص لية
لاكن بنفضفض من الاحزان
يمكن الفرحة تنادينا .........
احوال الدنيا بقت قاسية
وبقينا عايشين بالعافية
تعبانا وجايبة لنا الكافية
انت يارب عالم بينا .......
صدقنى مفيش حد مرتاح
الكل فى قلبة حمل جراح
والكل مشتاق للافراح
زيك وكمان زييينا.........
.......................
حسن عز الدين
ليست هناك تعليقات