عمري
الشاعر عصام الباز ///يكتب
عمري شايله على اكتافي
ماطلعش حليب صافي
بيخاصم فيا ويجافي
مستقوي عليا ومتعافي
فوق م الهموم طافي
بقينا في زمن حافي
أخد عصايتي ومجدافي
سنين صفاه ولت
عيونه عميت أو إحولت
ضحكت عليا واتخلت
لفت بلاد ونجوع
مليانة أسى ودموع
مبقاش أمل لرجوع
تعبانة من الأيام
فاضية من الأحلام
مش عارفة يا عيني تنام
مين يشتري مني
خلاص مضى سني
يا دنيا بقى حني
عصام الباز
ليست هناك تعليقات