مسرح الفيس
الشاعر الغنائي حسن عز الدين /يكتب
،،،،،،،،،،،،،،،،،،،، مسرح الفيس ،،،،،،،،،،،،،،،،،،،،،
العرض هيبدأ فى ثوانى
ودخول المسرح مجانى
واللى يمثل دور الطيب
وهو أساسة كداب وأنانى ..
اللى مقضيها معكسات
وليل ونهار قاعد الشات
واللى منزل صورة جميلة
علشان يعجب بيها بنات ...
واللى تصدق جوزها ينام
علشان تسمع احلى كلام
طول الليل عمالة تدردش
وادان الفجر بتنام ....
واللى كل ساعة بلون
دايما يظهر انة حنون
يطلب صورة
من الامورة
وهو اساسة خسيس ملعون ..
واللى تعيب فى جوزها لفلان
تقول انا عايشة معاة احزان.
نفسى اسيبة
واهجر بيتة
وتسيب فى المحكمة لة بيان ...
واللى عامل فيها مأزون
علشان يشحن التلفون
مغير اسمة
وفارد جسمة
عامل كل كلامة موزون ...
واللى منزل جسم فى صورة
واللى بيشتم كدة فى الكورة
واللى بيجمع كل الناس
فى جروب يحلو فزورة ...
شوفت الفيس بمليون لون
والطيب بقى فية بيخون
بيعلق فى بنات الناس
واللى يسلم لية مجنون ...
حسن عز الدين
ليست هناك تعليقات