في ليل الصمت
الشاعر محمد ثروت عبدالحفيظ ///يكتب
قصيده بعنوان........ فى ليل الصمت
فى ليل الصمت والوحدة
بنادى والقلوب جاحدة
شربت الظلم ف الأيام
عيون القلب ما بتنام
بدارى الآهه توجعنى
ومين ف الدنيا يسمعنى
بأشوف وسط البشر ألوان
ما ليها الغل والبهتان
معالم بكره مش باينة
قلوب الناس بقت خاينة
قولولى الرحمه تاهت فين
بقلنا سنين ياناس تايهين
بنمشى طريقنا مضطرين
غيام الهم عذبنا
ضلام الجهل غلبنا
حبايب عمرنا راحوا
وسابوا القلب بجراحه
وعاش بيعانى م النسيان
الطيبه فينا مش باقية
ما بنا مكانها مش لاقية
ولا شايف يادنيا أمان
انا اللى الحب خلانى
ب إيدى رسمت أحزانى
وروحت وسيبت عنوانى
حزين والهم بكانى
ليالى الغربه قتلانى
ومش ناوى الرجوع تانى
ولا لاقى لقبى مكان
حاولت يادنيا انا فيكى
تعبت عشان أراضيكى
لقيت الحكم مش ليكى
فى ايد الواحد الديان
وانا صابر عشان إنسان
وقلبى ب الحنان مليان
يارب ف عز أوجاعى
ف وسط الكون أنا ساعى
وراضى فيه ب أى مكان
ووقت الشده أنا أجيلك
على بيتك وأصلي لك
مافيش غيرك أكيد حنان
كلمات الشاعر محمد ثروت عبد الحفيظ
ليست هناك تعليقات