الشاعر عاطف
قصيدة .../ فنجان السهرة
بقلم .../ عاطف بيومى محمد
بيجي الليل بكون مشتاق
ونفسي اسمع حنين صوتك
واقبل ما اشرب القهوة
بحب اتمزج على صوتك
بشوف فى كل حته عينيك
ونسمه هوا من جفونك ..
وش القهوة بيكون سادة
على المج مرسومه رموشك
والوش فيه رسم قلب
مرسوم بداخله صورتك
ولما بستطعم جمالها
كأنى بشرب من شفايفك
بتحلى السهرة الجميلة
بنظره عين وايا تنهيدا
مع كام غنوه وابتسامة
بشوف ف السما جبينك ...
بشوف القمر وايا النجوم
وليل السما بيسحرني
انا بحمد ربي على الدوام
انك ساكن جوا قلبي
سرحت ف نجمه وسيطهم
واصتها تلمع على بابك
اتخيلت اني جنبيهم
نايم وراسي على صدرك
وفأيدى الورد الجورى
بمشيه حبيبي ع خدك
اتمنيته واقع مش خيال
بحق الله والأديان انا بحبك
حقيقي نفسي ابقي معاك
ويكون حضني ف حضنك...؟
#حقوق_النشر_محفوظة_للكاتب
ليست هناك تعليقات