"" الليالي ""

 رأفت عبد العال// يكتب ............

"" الليالي ""
عامية مصرية

رأفت عبد العال

كتير بتشبهنا الليالي
يوم قمرها يبقى عالي
يوم بتيجي بأحلى فكرة
يوم تفوتنا بأغلى ذكري
يوم يغيب عن عيننا غالي
هو ده طبع الليالي !!!!!
هي حالها زي حالي
بالأمل بتموت جراحنا
والمحبة تزيد ياغالي
رغم عنا يغيب فرحنا
تتولد تاني جرحنا !!!!!
يرجع الماضي ف ثواني
كٌنا بنشوف إن بكرة
جاي معاه أحلى أماني
النهارده وبعد بكرة
حالها يشبه برضه حالي
في حاجات جواها تظهر
في حاجات براها ترحل
هي رحلة جايبة بكرة
ويا ذكرى !!! دايرة دايرة
مين بغلبها الليالي
زي ليلة جاتني مرة
التقيتها بشكوى مُرة
قُلت رحلة مُرة حلوة
فيها نحيا ونبقى ذكرى
آه وآه منها الليالي!!!!!