عادل شعبان ... يكتب ... رجعت ليالي الشتا

حقوق النشر محفوظة
-------------؛
رجعت ليالى الشتا
---------------؛
رجعت ليالى الشتا
وانت لسة .. بعيد
وعدى كام ... شتا
وانت هناك .. بعيد
ونقر على شباكى
كام .. حبة .. مطر
وعودك هناك قصادى
رنين من غير وتر
ويدور رعد و برق
ودوشة غرب وشرق
ساعتها ب أحس الفرق
مشاعرى ... متفتتة 
رجعت ليالى الشتا
-------؛
ارخى ستاير البرد
ويدبل ف عينى الورد
وافكار كتير مع بعض
و معاك ... متشتتة
رجعت ليالى الشتا
----------؛
وأدفى حنينى بنار
وأنا نار تاكل ف نار
وألاقينى لما احتار
عيونى .... متلفتة
رجعت ليالى الشتا
-----------؛
بقلم / عادل شعبان